今日同大家分享一對made in japan嘅球鞋，究竟made in japan嘅足球鞋係咪又好啲架呢？今日小編就同大家探究吓。
Mizuno嘅鞋一直晌足球界係幾有名氣，佢地更標榜質素嘅重要，佢嘅系列就包括候克代言嘅morelia neo， Honda代言嘅Ignitus wave,，同埋岡崎慎司代言嘅Basara。由於以上三款嘅made in japan球鞋較為昂貴，小編就入咗對平民小小嘅款式，叫Estrela neo。
Estrela neo其實都出到第二代。小編望過晒兩款，始終都係鐘意第一代嘅外型，第一代款式較傳統，而且兩邊嘅mizuno標誌更加係有坑紋！estrela neo就如morelia neo嘅細佬一樣，外形甚相似，唔同嘅地方係estrela neo係有袋鼠皮同普通皮革做成（鞋前半身為袋鼠皮，後半身為普通皮革），而morelia neo就係全對袋鼠皮。
Estrela neo係一對傳統玩球感嘅鞋，前半鞋身由袋鼠皮製，用手㩒落去已經好舒服軟熟。佢鞋身較闊，適合闊腳嘅波友著。佢鞋舌嘅設計一如以往mizuno嘅鞋，上面有兩個洞，讓鞋帶穿過，穩穩的固定鞋舌。
鞋釘上則用到HG釘，HG=hard ground, 佢係多數晌日本先有嘅，適合於硬嘅草場同普通仿真草場地進行。HG釘相對平時香港見到嘅FG釘為短，而且多數係整齊嘅圓釘，方面晌硬草上同仿真草上平衡同轉動，而短釘也有助斬波嘅順暢度。
小編就著過對鞋晌真草同仿真草場踢過。對鞋傾向軟熟，不需要“開鞋”嘅時間。Estrela neo嘅傳控球感覺很理想，動作暢順。盤球上則沒有特別。速度上因為球鞋不算輕巧，加上配上普通圓釘，它沒有Nike mercurial 同 Adidas X般嘅速度感。射門上球鞋發揮理想，但不是非常食力。
小編對呢對鞋最深刻嘅地方係佢嘅長傳同傳中球，估計佢嘅袋鼠皮令皮球如預期中飛行。此外，球鞋由袋鼠皮加皮革製成，佢較厚身軟熟，保護腳嘅能力也會較好，所以適合多做防守攔截同強力解圍嘅球員。
總括嚟講，按性價比，Estrela係一對唔錯嘅球鞋，適合一嘗made in japan嘅袋鼠皮鞋但係又唔想俾成$2000蚊嘅你。佢適合喜歡長傳分波同多做防守嘅球員。Estrela係晌2012出產，個時定價約千二港元，由於係舊款，而家揾人晌日本代購，連運費，價錢大約係六百幾七百港紙到。
#mizuno #mizunofootball #mizuno足球鞋 #波boot #estrelaneo #estrela #袋鼠皮 #真皮 #真草 #仿真草 #HG釘 #madeinjapan #日本製 #日產
Search